Lite folk møtte til speling måndag 4. september, så vi valde å spela IMP over feltet denne gongen. Etter siste spel skilde det kun eit IMP mellom Kåre Aasen - Joleiv Midttveit som vann og Per Skotheim - Hans Victor Koch på andreplass. Tredjeplassen gjekk til Tor Anders Hauge - Frode Dyrstad.

Resultat og stensilar

Vi speler som vanleg neste måndag, medan det måndagen deretter blir simultanturnering.

Vel møtt!

Her er eit spel frå spelinga måndag 28. august, ein hardmeldt utgang denne gongen, men sjansane for heimgong var der om det glepp litt i motspelet. Send gjerne spel frå spelekveldane våre om du ser noko interessant.

Tøffe tak

Same vinnarar blei det måndag 28. august som måndagen før. Kåre Kristiansen og Jørn Rekkum var heilt overlegne og stoppa på 70,8% score. Reidar Dale og Carl-Otto Curran spurta inn til andreplass med 54,9%, og tredjeplass blei det på Anne Merete Heggland - Torhild Rasmussen med 53,5%.

Kåre og Jørn med overlegen siger måndag 28. august. Her frå sisterunden mot Stig og Stein Ole som blei nummer fire.

Resultatliste med spelstensilar

Det blir speling som vanleg dei to neste måndagane, før sesongens første simultanturnering går måndagen deretter; 18. september.

Vel møtt!

To par kjempa om sigeren måndag 21. august. Etter at siste kort var spelt blei det Kåre Kristiansen - Jørn Rekkum som vann med 68,3% score. Andreplass blei det på Bjørn Hauge - Frode Dyrstad med 67,5%. Linda Rasmussen - Gerd Nøttveit kneip tredjeplassen med 52,4%.

Resultat og spelstensilar

Første spelekveld denne hausten blei spelt måndag 14. august, og suverene vinnarar blei Per Skotheim - Hans Victor Koch med heftige 71,4 % score. Bjørn Hauge - Frode Dyrstad blei nummer to med 57,1 % og Anne Merete Heggland - Torhild Rasmussen nummer tre med 54,0 %.

Resultatliste og spelstensilar

Vi speler kvar måndag framover no, til og med måndag 18. desember. Vi har plass til fleire, og kjenner du nokon som vil spela er det berre å ta dei med.

Vel møtt!

Både Thea Hauge og Carl-Otto Curran speler NM par som blir spelt i Drammen 2. - 3. august. Thea skal spela med Katarina Ekren frå Bergen Akademiske BK, medan Carl-Otto skal spela med Agnethe Hansen Kjensli frå Nesodden BK. Resultata kjem på denne linken.

Vi ynskjer begge lukke til med turneringa!

Klubbspelinga startar opp att måndag 14. august. Gje gjerne beskjed til alle du kjenner som kan vera interessert i å spela med oss måndagskveldane. Brevet som går ut kan og lesast her. Vel møtt måndag 14. august!

EM for ungdomslag blei spelt i Slovakia 8. - 15. juli. Thea Hauge på det norske u26 jentelaget hadde heilt fram til siste kamp sjansar til å spela seg inn blant dei seks laga som er direktekvalifisert til neste års VM, men sjølv med ein kjempespurt held det ikkje heilt og det enda med sjuandeplass. Carl-Otto Curran på det norske u21-laget blei nummer tolv.

Sluttresultat jenter u26

Sluttresultat u21

Fleire av dei norske jentene, også Thea, blei intervjua av EBL under meisterskapet. Filmen kan sjåast her (klikk biletet).