Siste spelekveld før jul blei spelt måndag 19. desember, og denne gongen vann Kare Aasen - Joleiv Midttveit med 62,1 %. Tett bak kom Thea og Bjørn Hauge med 61,7, og tredjeplassen gjekk til Åse Bauge Elisabeth Over med 56,7 %

Resultat og spelstensilar

Neste måndag er 2. juledag og då går årets juleturnering av stabelen i Nore Neset Aktivitetshus. Påmelding til den her.

Og til slutt: Riktig god jul til alle!

Det var lenge jamt måndag 12. desember, men på dei siste rundane drog Reidar Dale og Leif Juvik frå resten av feltet og vann ein klar siger. 65,1 % score blei det på dei, medan Ole og Laila Årland på andreplass stoppa på 55,6%. Siste pallplass gjekk til Per Skotheim - Hans Victor Koch med 53,2 %.

Resultat og spelstensilar

Siste spelekveld før jul blir neste måndag, med speling og stort julelotteri.

Hugs elles påmeldinga til juleturneringa vår på Nore Neset 2. juledag. Her er link til den. I skrivande stund er det vist problemar med NBF sin påmeldingsmodul så det lar seg ikkje gjera å melda seg på, men vi reknar med at det ordnar seg i løpet av ein dag eller to. Om ikkje får ta påmeldingane over telefon.

Vel møtt til siste spelekveld i 2016 neste måndag!

Måndag 5. desember var det årets MP-treff som stod på programmet. Lokalt blei det siger til Leif Juvik - Kåre Aasen med 66,7 % score. Andreplassen gjekk til Ole Årland - Rune Fagerbakke med 64,6 % og tredje til Anders Johansson - Tor Anders Hauge med 57,6 %.

Lokale resultat

Resultat på landsbasis kjem på denne linken etter kvart som dei blir registrert. Dei er sikkert ikkje endelege før uti veka sidan MP-treffet er ope også for klubbar som ikkje bruker Ruter, noko som gjer ein del ekstraarbeid hos NBF.

Geo Tislevoll har laga ein fil med kommentarar til alle spela. Den er absolutt verd å lesa, og du finn han her

Vi speler som vanleg to måndagar til før jul. Måndagen deretter er 2. juledag og då går årets juleturnering. Link til påmelding til den her

Etter at Os 2 spelte sin siste NM-kamp tysdag kveld er no begge os-laga ferdig med første- og andre-runde NM klubbar. Begge laga vann ein kamp og tapte ein, men dessverre var tapa for store til at nokon av laga kan gjera seg forhåpningar om tredjerundebilett.

Her er resultata med os-lag involvert:

Øvrige NM-resultat her

Det blei kjempescore på Kåre Aasen og Frode Dyrstad på spelekvelden måndag 28. november, 70,6% blei det på dei, noko som sjølvsagt heldt til soleklar siger. Nummer to blei Anders Johansson - Tor Anders Hauge med 62,7% og tredje gjekk til Jørn Rekkum - Dag Christensen med 56,3 %-

Suveren siger til Kåre Aasen og Frode Dyrstad denne gongen, her frå sisterunden mot Kåre Kristiansen - Ole Høgsve.

Resultatliste og spelstensilar

Hugs juleturneringa vår som går måndag 26. desember. Link for påmelding her

Neste måndag speler vi MP-treff. Fram til då kan du jo prøva deg på Christian Bakkes adventskalender. Du finn han her.

Måndag 21. november hadde vi besøk frå Os & Fusa TV under landskampen mot Sverige. Det blei ein flott sak og TV-innslag. Send gjerne link av saka til alle som kan ha interesse. Klikk biletet for sak og innslag.

Måndag 21. november var det landskamp mot Sverige som stod på programmet. Ein stor delegasjon frå Austevoll gjorde at vi var sju bord denne kvelden. Takk for besøket, og velkommen igjen. På lokalplanet var det Bjørn Hauge og Frode Dyrstad som gjorde det best med 62,4 % score. Det heldt til 7. plass i landskampen der 991 par deltok.  Andreplass lokalt blei det på Per Skotheim - Hans Victor Koch med 57,1 % og tredje til Anne Merete Heggland - Torhild Rasmussen med 56,7 %.

Lokale resultat

Resultata av landskampen mot Sverige

Landskampen blei òg filma av Os og Fusa-TV. Kortid den kjem ut der er uvisst, men det er bare å sjekka innom med jamne mellomrom. Link til innslaget blir og lagt ut på sida her.

Neste måndag er det vanleg speling før vi måndagen deretter speler MP-treff.

Vel møtt!

Det blei klar siger til Ole Årland og Kåre Kristiansen måndag 14. november. Dei leia frå første til siste runde og scora 68,2 % på kvelden. Andreplassen gjekk til Anders Johansson - Tor Anders Hauge med 62,5 % score og tredje til Bjørn Hauge - Frode Dyrstad med 59,4 %.

Resultat og spelstensilar

Neste måndag blir det landskamp mot Sverige. Svenskane har sagt dei stiller med 1000 par. Det klarer ikkje vi, men vi bør stilla så mange vi kan. Det er og planen å få laga ein film frå landskampen. Korleis filmen blir veit vi ikkje. Det er Os og FusaTV som har spurt om å få koma, så vi får sjå etter kvart korleis det blir. Uansett blir filmen best om så mange som mogleg kjem og speler.

Vel møtt til landskamp måndag 21. november!