I forkant av siste spelekveld før sommaren blei det som vanleg halde årsmøte. Årsberetning og rekneskap ligg i lenka under. Anne Merete Heggland har site som leiar i åtte år og takka denne gongen nei til attval. Linda Rasmussen overrekte blomar frå heile klubben for godt utført arbeid i mange år.

Som ny leiar blei Anders Johansson vald. Elles blei styret uendra frå det forrige, med attval av Linda Rasmussen og Reidar Dale + Leif Juvik og Wenche Nyborg som ikkje var på val denne gongen.

Årsmelding 2015-2016

Siste spelekveld før sommarferien blei spelt måndag 30. mai. Vann gjorde Åse Bauge - Anders Johansson med 59,5 % score. Kåre Kristiansen -  Olav Monstad blei nummer to med 58,7 % og tredjeplassen gjekk til Ole Høgsve - Leif Juvik med 56,3%.

Resultat og spelstensilar

Dette var siste spelekveld på denne sida av sommaren. Første spelekveld etter sommaren blir måndag 22. august. For dei som ikkje vil venta så lenge er det sommarbridge i Åsatun kvar tysdag kl. 1830.

God sommar til alle, og vel møtt igjen 22. august.

Det blei svært tett mellom dei to beste para måndag 23. mai, men til slutt blei det siger til Ole og Laila Årland med 64,5 % score. Kåre Kristiansen - Olav Monstad blei nummer to med 63,9 %, og tredjeplassen gjekk til Anders Johansson -Tor Anders Hauge med 56,6 %.

Resultatliste med spelstensilar

Neste måndag er siste spelekveld før sommarferien. Vi startar som vanleg klokka 18.30, og det blir årsmøte før vi speler.

Vel møtt!

Spelinga måndag 9. mai blei vunne av Jørn Rekkum - Joleiv Midttveit med 66,7 % score. Anders Johansson - Tor Anders Hauge blei nummer to med 61,8 %, og tredjeplassen blei delt mellom Thea Hauge - Stig Gamlemshaug og Ole Årland - Laila Årland, begge med 54,0 %.

Resultat og spelstensilar

Neste måndag; 16. mai, er 2. pinsedag og ingen speling. Deretter speler vi to måndagar til før vi tek sommarferie. Siste spelekveld før sommaren; måndag 30. mai, blir det årsmøte i forkant av spelinga. Saker ein ynskjer opp på møtet må sendast/leverast Anne Merete seinast måndag 23. mai.

Vel møtt!

Andre kveld av klubbkampen mellom Os og Bergen Akademiske BK blei spelt måndag 2. mai. 26 par stilte til start på Studentsenteret denne måndagen, og kveldsvinnarar blei Ole Johan Schei - Sven-Olai Høyland med 61,6 % score. Andreplassen blei delt mellom Anne Mørch - Liv Bugge og Jan Løvfall - August Olason, begge med 60,9 %. Beste os-par denne kvelden blei Leif Juvik - Ole Høgsve med sjetteplass.

Resultat andre kveld klubbkampen

Samanlagt over to kveldar blei det siger til Tor og Christian Bakke med 131.1 poeng. Andreplassen gjekk til Jan Løvfall - August Olason med 127,2 og tredje til Sven-Olai Høyland - Ole Johan Schei med 120,4

Samanlagtliste her

Med sigeren i år leier dermed BAK 6-2 etter åtte spelte klubbkampar.

Neste måndag speler vi som vanleg i Eldresenteret. Måndagen deretter er 2. pinsedag og spelefri. Måndag 23. mai er vanleg speling, før vi avsluttar sesongen måndag 30. mai med årsmøte og speling etterpå.

Vel møtt!

Første kveld av klubbkampen mellom Os og Bergen Akademiske BK blei spelt måndag 25. april. Vinnarar første kveld blei Tor og Christian Bakke med 71,3 % score. Kvelden var og simultanturnering, så det kan bli ei fin plassering også på landsbasis. Andreplassen gjekk til Jan Løvfall - August Olason med 66.3%, og tredje til Øyvind Henden - Troy Broderstad med 65,4 %.

Resultatliste og spelstensilar

Resultat frå simultanturneringa blir oppdatert på denne linken

Neste måndag speler vi returoppgjer på Studentsenteret. NB! Sidan Studentsenteret stenger klokka 22.00 startar spelinga klokka 18.15. Møt presis om du vil vera med å spela. Også dei som ikkje har spelt første kvelden kan delta.

Dei som ynskjer skyss kan møta ved parkeringsplassen ved Kyrkjetunet klokka 17.15.

Vel møtt!

Pr. no er det kun sju ledige plassar på juniorleiren i Austevoll komande sommar. Leiren blir arrangert i tida 27. - 29. juni. I tillegg til bridge blir det ei rekke andre aktivitetar. Klubben betaler påmelding for alle juniorar frå Os som ynskjer å delta. Klikk biletet for innbyding og program.

Det blei siger til Ole Årland og Olav Monstad måndag 18. april . 62,5 % score på dei, medan Anders Johansson - Tor Anders Hauge blei nummer to med 59,2 %. Tredjeplassen gjekk til Bjørn Hauge - Frode Dyrstad med 56,3 %.

Resultatliste og spelstensilar

Dei to neste måndagane går klubbkampen mot BAK. Førstkomande måndag speler vi på Os. Den spelekvelden er også simultanturnering. Returoppgjeret går på Studentsenteret måndagen etter.

Vel møtt!