Det blei eit flott ungdomskurs på biblioteket siste helga i februar. Fem ungdomar var med og det blei to travle dagar, med teori, speling og lagkamp til slutt. Rapporten frå kurset er no ferdig og sendt NBF. Den kan lesast her. Torhilds tale til bridgeungdomen kan sjåast her.

Eit bilete frå kurset. Med ryggen til sit Marte (med kort) vidare frå venste Lea, Fartein, Daniella og Edel (med ryggen til). Torhild ståande i bakgrunnen.

Det blei siger til Stig Gamlemshaug og Thea Hauge måndag 7. mars. 58,9 % på dei, medan Reidar Fosse - Gunnar Holm på andreplass fekk 56,3 %. Bjørn Hauge - Frode Dyrstad kom på tredje med 55,7 %

Resultatliste og spelstensilar

Vi speler to måndagar til før det blir påskepause.

Vel møtt!

Noreg møter Sverige til simultanlandskamp måndag 11. april. Os er med, og vi håper alle gjer sitt beste for å banka svenskane kraftig.

Årets klubbkamp mot BAK blir spelt måndagane 25. april og 2. mai. 25 april blir det speling på Os, og denne kvelden er også simultanturnering. Returoppgjer på Studentsenteret blir det måndag 2. mai.

Ingen tvil om kor sigeren skulle gå måndag 29. februar; Kåre Kristiansen og Olav Monstad stakk frå feltet frå start og auka leiinga heile vegen. 68,2 % score blei det til slutt. Delt andreplass blei det mellom Ole og Laila Årland og Anders Johansson - Tor Anders Hauge. Begge para stoppa på 55,2 %

Resultatliste og spelanalysar

Vi speler tre måndagar til før påske.

Vel møtt!

Siste simultanturnering før påske blei vunne av Kåre Kristiansen - Olav Monstad med 63,5 % score. Per Skotheim - Kåre Solibakke blei nummer to med 62,0 %, og tredjeplass blei det på Anders Johansson - Tor Anders Hauge med 57,8 %.

Lokal resultatliste med spelanalysar

Resultat på landsbasis blir oppdatert på denne linken etter kvart som dei kjem inn.

Hugs at vi held kurs for ungdom på Os folkebibliotek komande helg. Vi har fire påmeldte jenter i alderen 13 - 17 år. Torhild tar påmeldingar heilt fram til laurdag.

Det blir speling kvar måndag fram til og med 21. mars. Måndag 28. mars er andre påskedag og ingen speling.

Vel møtt!

Siste spelekveld av årets klubbmeisterskap blei spelt måndag 15. februar. Etter to kveldar var det tett i toppen og mange vinnarkandidatar. Kåre Solibakke og Per Skotheim var ein av kandidatane, og med kveldssiger gjekk dei heilt til topps i samandraget med relativt god margin til Kåre Kristiansen - Olav Monstad på andreplass. Tor Anders Hauge blei nummer tre samanlagt.

Kveldsresultat med spelstensilar

Samanlagt etter tre kveldar, sluttresultat

Neste måndag er det ny simultanturnering.

Vel møtt!

På spelekvelden måndag 8. februar hadde vi besøk av Midtsiden som laga ei flott førehandssak for ungdomskurset vårt siste helga i februar.

Saka kan lesast her

Meir om ungdomskurset vårt her

Andre kveld av klubbmeisterskapet for par blei spelt måndag 8. februar, og det blei siger til Jørn Rekkum og Joleiv Midttveit med 60,7 % score. Ole og Laila Årland blei nummer to med 58,3 %, og tredjeplassen gjekk til Per Skotheim - Kåre Solibakke med 55,7 %.

Resultatliste med spelanalysar

Samanlagt etter to av tre spelekveldar er det tett i toppen, og minst 5 par kan gå av med sigeren. Ole og Laila Årland er i leiing med 116,3 poeng. På andre ligg Kåre Solibakke - Per Skotheim med 113,2 og Joleiv Midttveit - Jørn Rekkum på tredje med 112,8

Samanlagtliste klubbmeisterskapet

Klubbmeisterskapet vert avslutta komande måndag. Ein treng ikkje ha spelt dei første kveldane for å kunna delta.

Vel møtt!