Strålande ver, og strålande innsats av osingane som hadde funne vegen til Austevoll 1. mai for å spela Bridge i Havgapet. Stig Gamlemshaug og Roger Træet, Os/Stord vann turnneringa som blei spelt over 48 spel. 28 par stilte til start, og premie blei det og til Thea Hauge og Joleiv Midttveit med sjetteplass. I tillegg til dette henta osingane heim ein masse spurtpremiar, som denne gongen var røykt aure.

Resultat Bridge i Havgapet

Stig og Roger under premieutdelinga. Til venstre for Stig,

turneringsleiar Oddmund Midtbø.

Vinnarar av første kveld av klubbkampen mot BAK blei Øyvind Henden - Sven-Olai Høyland. 71,4 % score oppnådde dei, noko som kan nå eit godt stykke opp på landsbasis då vi også spelte simultanturnering. På andreplass kom Tor og Christian Bakke med 70,6 %, og tredjeplass til Anne Merete Heggland - Leif Juvik med 64,4 %.

Resultat første kveld her

Kampen mellom klubbane er ganske tett med ei knapp Os-leiing før siste kveld.

Pokalkampen blir avslutta med returoppgjer på Os komande måndag; 4. mai. Også spelarar som ikkje spelte første kvelden kan spela. Vi startar klokka 18.30. Vel møtt!

Simultanresultat på landsbasis kjem truleg tysdag ettermiddag. Link til dei kjem her. Resultata blir oppdatert etter kvart som dei kjem inn og er truleg endelege i løpet av veka.

Spelinga måndag 20. april blei vunne av Thea Hauge og Joleiv Midttveit. 63,1% score blei det på dei, medan Reidar Dale - Tor Anders Hauge på andreplass stoppa på 59,5 %. Tredjeplassen gjekk til Bjørn Hauge - Jørn Rekkum med 56,0 %.

Resultatliste og spelanalysar her

Dei neste to måndagane blir det klubbkamp mot Bergen Akademiske BK. Førstkomande måndag; 27. april speler vi på Studentsenteret. Spelinga startar som vanleg kl 18.30. Dei som ynskjer kan møta ved Kyrkjetunet kl 17.30, så fyller vi opp bilane der. Elles er det bare å ta seg fram på eiga hand. I tillegg til vanleg klubbkamp vil vi og forsøka å få laga ei samanlagt liste individuelt, og på toppen av det heile speler vi simultanturnering. "Tre ting på en gang"" .. osv. Får sjå om det går :)

Måndagen deretter; 4. mai blir det returoppgjer i Eldresenteret.

Vel møtt!

Dei næraste vekene er det to fine turneringar på programmet. Først ut er «Bridge i Havgapet». Den blir spelt fredag 1. mai på Bekkjarvik Gjestgiveri. Info og påmelding til turneringa her.

Litt seinare i mai går den tradisjonsrike «Mai-bridgen» på Rubbestadneset. Den går som vanleg Kr. Himmelfartsdag som i år er torsdag 14. mai. Turneringa nærmar seg fullteikning så det kan vera lurt å vera kjapp med påmelding. Info + påmelding her.

No i oppkøyringa til Tromsø-EM har Norsk Bridgeforbund laga nokre filmar. Den eine gjeld norsk junior-bridge og kan sjåast her.

Årets junior-leir går i perioden 12. - 17. juli i Tromsø. Info om den her.

Pr. no er det 26 påmeldte til leiren, tre av dei frå Os. (Sjå under "Se påmeldte")

Kåre Kristiansen og Unni Skreslett kom best igang etter påskepausen. Dei vann spelinga måndag 13. april med 69,8 % score. Bjarne Vågen - Linda Rasmussen blei nummer to med 63,7 %, og tredjeplassen gjekk til Leif Juvik - Reidar Dale med 62,5 %.

Resultatliste og spelanalysar her

Vi speler som vanleg neste måndag, før Pokalkampen mot BAK blir spelt dei to måndagane deretter.

Vel møtt!

Thea Hauge og det norske jentelaget vann gull i nordisk junior lag som blei spelt i Danmark 4. - 6. april. Grunnlaget for sigeren blei lagt søndag kveld då dei norske jenten vann heile 19-1 (VP) over dei danske jentene. Dette gjorde at før dei 14 siste spela som blei spelt måndag føremiddag hadde dei norske jentene 15 IMP forsprang. Dette forspranget gav jentene aldri frå seg, og auka like godt med 11 IMP til. Thea er dermed den første spelaren frå Os BK med ein internasjonal tittel. Gratulerer til heile laget!

Ein av kampane til det norske jentelaget blei BBO-overført. Det var kampen mot det norske U-16 laget. Thea spelte kampen med Katarina Ekren, og kampen kan du sjå her

To gjestepar frå BAK henta mest poeng måndag 30. mars. Mathias Beyer - Atle Seim vann suverent  med 61,9 % score. Rolf Selbak - Dagfinn Andreassen blei nummer to med 55,6 %, og Frode Dyrstad - Dag Christensen nummer tre med 54,8 %.

Fullstendig resultatliste med spelanalysar her

Neste måndag er 2. påskedag og ikkje speling. Første spelekveld over påske er måndag 13. april. Vel møtt då.

Hugs at Nordisk meisterskap for junior lag går i påsken og Thea speler. Turneringa startar laurdag, og det blir overføringar på BBO. Første kamp går kl 09.30. Tidsskjema her

Vi ynskjer lukke til i nordisk, og til slutt; god påske til alle!