Største parturnering på desse kantar av landet, Storturneringen, blei spelt helga 17. - 18. januar. Som vanleg blei det spelt i to grupper, Mester og A. Ingen frå Os stilte i Mestergruppa, men i A var det fleire med.

Best resultat oppnådde Joleiv Midttveit - Bjørn Hauge. Etter å ha kjempa i tetstriden gjennom heile turneringa enda det til slutt med ein fin 6. plass. Tor Anders Hauge - Reidar Dale blei nummer 13, og Thea Hauge - Marte Haugen Klingen nummer 32.

75 par deltok i årets Storturnering, 32 i Mester og 43 i A-gruppa.

Resultat Mester

Resultat A-gruppa

Reidar Dale og Tor Anders Hauge vann første spelekveld i det nye året. 67,5 % score på dei, medan Dag Christensen - Frode Dyrstad på andreplass enda på 58,7 %. På tredjeplass med 57,9 % kom Linda Rasmussen - Gerd Nøttveit.

Litt teknisk trøbbel, litt forsinka og litt forenkla men her er resultatlista.

Komande måndag går første simultanturneringa i det nye året.

Vel møtt!

Ei av dei store lagturneringane her til lands – Nyttårscupen på Jessheim – går 1. - 4. januar. Thea Hauge speler med jentelandslaget, og mykje anna kjentfolk er og med. Det blir BBO-overføringar alle dagar. Første "sending" startar fredag 2. januar kl 20.30. Her er BBO-programmet framover. Vi ynskjer lukke til!

Med juleturneringa trygt i hamn (sjå sak under) blir det spelefri i klubben fram til måndag 12. januar. Vel møtt då!

Styret

Årets høgdepunkt på bridgefronten på Os; juleturneringa, blei arrangert søndag 28. desember. Eldresenteret var nok ein gong stappfullt i bridgespelarar – 35 par deltok denne gongen. Som vanleg blei turneringa stødig leia av Leif Gunnar Kleppevik, og med unntak av at vi slapp opp for kaffi-filter på kjøkenet gjekk heile turneringa knirkefritt.

Det blei ei spennande turnering, og før siste runde var i alle fall 5 par i posisjon til å ta heim sigeren. Beste spurten hadde Tore Bårdsen og Øyvind Haga (biletet), og dei vann dermed turneringa med Tor og Christian Bakke på andreplass. Tredjeplassen gjekk til Sigurd Østerbøvik - Jim Høyland.

Fullstendig resultatliste med spelstensilar her

Liste over vinnarar av tidlegare års turneringar her

Takk for denne gong, og vel møtt til ny juleturnering om eit år eller så!

Spelinga måndag 22. desember bar preg av at det snart er jul. Kun 8 spelarar møtte for å spela, så då blei det ein 24-spels lagkamp som blei spelt.

Laga var samansett slik:

Lag 1: Joleiv Midttveit, Stig Gamlemshaug, Linda Rasmussen og Leif Juvik.

Lag 2: Dag Christensen, Jørn Rekkum, Torhild Rasmussen og Anne Merete Heggland

Kampresultatet blei at lag 1 vann 83 - 49.

Dette var siste ordinære spelekveld på denne sida av årsskiftet, og sidan Eldresenteret er opptatt første måndag i 2015 blir første spelekveld over nyttår måndag 12. januar.

Men årets store høgdepunkt på bridgefronten på Os står no for tur. Juleturneringa søndag 28. desember har pr. måndag kveld 35 påmeldte par. Vi kan ta inntil 36 par, så dei som vil ha siste ledige plassen må vera kjapp på labben. Påmelding og info om turneringa her

Og til slutt: Riktig god jul og godt nytt år til alle, og vel møtt til nye slag ved bridgebordet i det nye året.

11. utgåve av Proffen Cup blei spelt laurdag 20. desember, og denne gongen blei det Os-siger, då Stig Gamlemshaug saman med makker Per Nordland gjek heilt til topps i det 22 par store feltet. Proffen Cup er ei minneturnering etter Rune Brattgjerd som døydde kun 36 år gamal.

Her er ei sak frå fjorårets utgåve av Proffen Cup, som fortel litt om både Proffen og turneringa.

Resultatliste frå årets utgåve av turneringa her.

Spelinga måndag 15. desember blei vunne av Frode Dyrstad - Dag Christensen. Vi spelte IMP over feltet, og dei hamna på 36 pluss-poeng, fire meir enn Linda Rasmussen - Gerd Nøttveit på andreplass. Tredjeplassen gjekk til Reidar Fosse - Gunar Holm med + 5.

Resultatliste med spelanalysar her

Siste spelekveld før jul er neste måndag; 22. desember. Men hugs juleturneringa søndag 28. desember. Pr. no er 23 par påmeldt til den, så det er fortsatt plass til fleire. Info og påmelding til juleturneringa her

Hugs og å spre info om kurset vårt som startar torsdag 8. januar. 4 deltakarar har meldt seg så langt, og vi håper å ha minst 8 når vi går i gang. Påmelding til kurset kan gjerast til Torhild.