Eldresenteret er opptatt måndag 5.januar, så det blir ikkje speling denne kvelden. Første spelekveld over nyttår blir dermed måndag 12. januar. Men vi speler som planlagt to kveldar til før jul; måndag 15. og måndag 22. desember.

Spelinga måndag 8. desember blei vunne av Thea og Bjørn Hauge. Vi spelte IMP over feltet, og dei slutta på +68,6. Andreplassen gjekk til Joleiv Midttveit - Jørn Rekkum med +54,9, og tredje til Frode Dyrstad - Dag Christensen med + 35,4.

Resultatliste med spelanalysar her

Vi speler to måndagar til før jul. Siste spelekveld er 22. desember, og første i 2015 er måndag 5. januar.

Turen til Herdla 10. - 11. januar har no 16 påmeldte, og er dermed fullteikna.

Påmeldingar til juleturneringa vår søndag 28. desember er no byrja å koma. Det er framleis god plass, men det gjekk fullt i fjor og kan gjera det i år og, så det skader ikkje å vera kjapp med påmelding. Info og påmelding til turneringa her.

Klubben er 75 år i 2015 og i det høvet blir det jubileumsfest. Førebels er ingenting klart, med eit unntak; festen blir laurdag 24. oktober 2015. Så merk av datoen i kalenderen alt no!

No er tida inne for å betala årskontigent for 2015. Kr. 300.- (junior 100.-) kan betalast til kasserar Linda Rasmussen, eller til konto 3631.50.30867. Frist 31. desember. Hugs namn på avsendar om du betaler til konto.

Første veka i desember er det som vanleg MP-treffen som står på programmet. Frode Dyrstad - Dag Christensen vann spelinga på Os med 66,7 % score framfor Anne Merete Heggland - Torhild Rasmussen med 63,0 %. Tredjeplassen gjekk til Bjørn og Thea Hauge med 61,1 %.

Lokale resultat her

Resultata på landsbasis kjem her. Sidan MP-treffen og er open for klubbar som ikkje bruker Ruter må vi nok rekna med at det tek litt meir tid enn med vanlege simultanturneringar før endeleg resultat er klart.

Vi speler tre kveldar til før jul. Siste spelekveld blir måndag 22. desember. Første spelekveld i 2015 blir måndag 5. januar. Men hugs juleturneringa søndag 28. desember. Påmelding og info til den her.

Spelinga måndag 24. november blei vunne av Frode Dyrstad - Reidar Dale. Vi spelte IMP over feltet, og dei enda + 92 poeng. Thea og Bjørn Hauge blei nummer to med 68 poeng, og Dag Christensen - Kåre Solibakke tre med 44 poeng.

Resultatliste med spelanalysar her

Neste måndag er 1. desember, og tradisjonen tru er det MP-treff som står på programmet første veka i desember.

Vel møtt!

Siste simultanturnering på denne sida av årsskiftet blei spelt måndag 17. november, og vinnarar lokalt blei Bjørn Hauge og Kåre Kristiansen. 64,6 % scora dei, medan Frode Dyrstad - Torhild Rasmussen blei nr. 2 med 57,6 %. Jørn Rekkum - Joleiv Midttveit tok tredjeplassen med 56,3 %.

Lokal resultatliste med spelanalysar her

Link til resultatliste på landsbasis  her.  Lista blir oppdatert etter kvart som resultat kjem inn, og er truleg endeleg i løpet av veka.

Neste måndag er det vanleg speling, og måndagen deretter går årets MP-treff.

Vel møtt!