  
NyheterReidar og Tor Anders vann IMP over feltet
10.11.2014
Spelinga måndag 10. november blei vunne av Reidar Dale og Tor Anders Hauge. Sidan vi kun var 3 bord spelte vi med IMP over feltet. Andreplassen gjekk til Bjørn Hauge - Frode Dyrstad, og tredje til Leif Juvik - Kåre Kristiansen. Resultatliste med spelanalysar her Neste måndag speler vi simultan. Dette er siste simultan før jul, men MP-treffen kjem som vanleg første måndagen i desember. Vel møtt! 
Bridgekurs startar torsdag 8. januar
05.11.2014
Haustens siste lynkurs blei gjennomført tysdag 4. november. Fleire av deltakarane på lynkursa i haust har sagt seg interessert i eit meir omfattande kurs, og vi startar eit slikt torsdag 8. januar. Reknar med at det vil gå over 8 torsdagskveldar i januar/februar. Kurset vil gå på Tannklinikken. Interesserte kan melda seg på hos Torhild. 
Dag og Frode vann klubbmeisterskapet for par
03.11.2014
Tredje og siste kveld av klubbmeisterskapet for par blei spelt måndag 3. november, og Joleiv Midttveit - Jørn Rekkum vann kvelden med solide 69,3 % score. Reidar Dale og Tor Anders Hauge berga såvidt andreplassen med 55,7 %, ein halv prosent framfor Inger Marie Johansen - Vilhelm Berge på tredjeplass. Fullstendig resultatliste for kvelden med spelanalysar her Samanlagt etter tre av tre kveldar blei Dag Christensen og Frode Dyrstad suverene vinnarar av årets klubbmeisterskap. 184,2 % oppnådde dei, noko som gjer ein snittscore på 61,4 % pr. kveld. Gratulerer så mykje til dei. Andreplassen samanlagt gjekk til Reidar Dale - Tor Anders Hauge med 167,0 %, og tredjeplassen til Bjørn og Thea Hauge med 166,1 %. Neste måndag er vanleg speling, før haustens siste simultanturnering går måndagen deretter. Vel møtt!
Innbyding til juleturneringa
01.11.2014
Reidar og Tor Anders vann 2. kveld KM par
27.10.2014
Andre kveld av klubbmeisterskapet for par blei spelt måndag 27. oktober. Reidar Dale og Tor Anders Hauge vann denne gongen, men 66,1 % score. Andreplassen gjekk til Jørn Rekkum og Joleiv Midttveit med 62,0 % og tredje til Frode Dyrstad - Dag Christensen med 60,7 %. Fullstendig resultatliste med spelanalysar Samanlagt etter to av tre kveldar har Frode og Dag eit godt forsprang med 132,1 %. Torhild Rasmussen og Anne Merete Heggland ligg på andreplass med 114,3, knepent framfor Bjørn og Thea Hauge med 112,5 %. Middels er 100,0 % Fullstendig samanlagtliste her Klubbmeisterskapet blir avslutta neste måndag. Også spelarar/par som ikkje har spelt dei andre kveldane kan delta. Vel møtt!
Dag og Frode vann første kveld KM par
20.10.2014
Første kveld av klubbmeisterskapet for par blei spelt måndag 20. oktober, og Dag Christensen - Frode Dyrstad fekk ein flying start med 71,4 % score. Andreplassen gjekk til Anne Merete Heggland - Torhild Rasmussen med 67,9 %, og tredje til Bjørn og Thea Hauge med 61,9 %. Resultatliste med spelanalysar her Vi spelte og simultanturnering denne gongen, og det blir interessant å sjå kor høgt Dag og Frode kan nå på landsbasis. Her er link til resultata på landsbasis. Blir oppdatert etter kvart som klubbane sender inn resultat, og er truleg ikkje endeleg før onsdag. Samanlagtlista for klubbmeisterskapet er ikkje så veldig spanande etter kun ein kveld, men her er i alle fall link til den. Klubbmeisterskapet held fram dei to neste måndagane.Også spelarar/par som ikkje har vore med frå start kan spela dei komande kveldane. Vel møtt!
Reidar og Tor Anders suverene måndag 13. oktober
13.10.2014
Reidar Dale og Tor Anders Hauge vann spelinga måndag 13. oktober med "ei mil". 72,8 % stoppa dei på , medan Jørn Rekkum og Joleiv Midttveit såvidt kneip andreplassen med 56,0 %. Tredjeplassen gjekk til Kåre Kristiansen - Unni Skreslett med 55,8 %. Fullstendig resultatliste med spelanalysar Dei neste tre måndagane speler vi klubbmeisterskap. Førstkomande måndag; 20. oktober er dessutan simultanturnering. Første av haustens lynkurs går tysdag i neste veke. Vi kan framleis ta med fleire. Påmelding til Torhild. Elles nærmar fristen for påmelding til seriemeisterskapet ( 4. divisjon) seg. Info om det her
Trekning 1. og 2. runde NM klubbar
10.10.2014
Trekning for 1. og 2. runde NM klubbar (nytt namn på turneringa er CodanCupen) blei gjort fredag. Os har tre lag med i år, og trekninga for våre lag gjekk slik: Os BK1 (Thea Hauge, Bjørn Hauge, Kåre Kristiansen og Leif Juvik) møter Bergen Akademiske BK 1 og Bergen Akademiske BK 2. Os BK 2 (Frode Dyrstad, Dag Christensen, Joleiv Midttveit, Jørn Rekkum og Tor Anders Hauge) møter Åsane BK 2 og Osterøy BK. Os BK 3 (Anne Merete Heggland, Torhild Rasmussen, Gerd Nøttveit og Linda Rasmussen) møter Melandsknekten BK 2 og Austevoll BK. Frist for speling av kampane er 14. desember. Heile oppsettet for 1. og 2. runde her 
|
