Bergen Akademiske BK si Storturnering blei spelt helga 18. - 19. januar, med god deltaking frå Os. Ingen par frå Os i mesterpulja i år, men i a-pulja med heile 54 par til start blei det oppnådd gode plasseringar. Aller best plassering blei det på Joleiv Midttveit og Bjørn Hauge med ein finfin 4. plass. Premie blei det og til Kåre Kristiansen - Leif Juvik på 13. plass. Takk til BAK for ei finfin turnering, og spesielt Kine Tveten for bilete.

Resultat a-pulja her

Resultat mester her

Trekninga av 4. runde NM klubbar er no foretatt, og det blei bortekamp mot Rubbestadneset BK for Os. Frist for speling av kampen er 23. februar. Heile trekninga her

Anne Merete Heggland og Torhild Rasmussen gjekk fort til tet måndag 13. januar, og dei blei der heilt til slutt. 60,1 % blei slutt-scoren, medan Leif Juvik og Kåre Kristiansen på andreplass stoppa på 58,3 %. Tredjeplassen gjekk til Olav Monstad og Kåre Solibakke med 53,6 %.

Resultat og spelstensilar her

Hugs Storturneringen komande helg. Fortsatt mogleg å melda seg på. Info og påmelding her

Os er klar for 4. runde NM klubbar etter siger 79-64 over BAK 3 søndag kveld. Os stilte med dette laget mot BAK: Thea Hove Hauge, Bjørn Hauge, Tor Anders Hauge, og Joleiv Midttveit. Trekning av 4. runde kjem truleg i løpet av denne veka.

Øvrige resultat frå 3. runde NM her

Årets Herdla-tur gjekk helga 11. - 12. januar, denne gongen med 14 spelarar. Det blei eit på alle måtar vellukka opphald med god stemning, mykje god bridge og ikkje minst framifrå mat.

Vi spelte tre turneringar. Starta med lag-turnering om laurdagen. Denne gjekk fram til middag, og etter middagen spelte vi single.

Søndagen avslutta vi Herdla-opphaldet med par-turnering.

Resultat frå Herdla.

Lag; Vunne av Torhild Rasmussen, Anne Merete Heggland, Leif Juvik, Gerd Nøttveit, Elisabeth Over og Wenche Nyborg.

Single; Vinnar Elisabeth Over, nummer 2 Leif Juvik, og delt tredjeplass mellom Inger Marie Johansen og Torhild Rasmussen.

Par; Vinnar Inger Marie Johansen – Vilhelm Berge. Nummer 2 Aase og Ivar Tønnesen og tredjeplass til Elisabeth Over – Wenche Nyborg.

Vi satsar på ny tur neste år. Vel møtt då. Bilete frå Herdla-turen under.

Frå lagturneringa. Ved bordet nærast sit Linda Rasmussen (med ryggen til), Ivar Tønnesen, Kate, og Aase Tønnessen.

Olav Monstad og Kåre Solibakke vann spelinga i overlegen stil då spelinga starta opp att etter juleferien måndag 6. januar. 64,1 % score oppnådde dei, medan Thea Hauge - Frode Dyrstad på andreplass stoppa på 56,8 %. Tett bak dei fulgte Inger Marie Johansen - Vilhelm Berge på tredjeplass med 56,3 %.

Resultat og spelstensilar her

Spelinga held fram kvar måndag framover. Første simultanturnering i 2014 går måndag 27. januar.

Vel møtt!

NB! Hugs Storturneringen helga 18 - 19 januar. Info og link til påmelding i saka under.

Klubbspelinga startar opp att måndag 6. januar med vanleg speling. Men ikkje alle venter så lenge med å starta det nye bridgeåret. Nyttårscupen på Jessheim går komande helg, og Thea speler med jentelandslaget. Vi ynskjer lukke til!

Vidare utover i januar går det slag i slag. Først er det turen vår til Herdla 11. - 12. januar. Fortsatt er det plass om fleire ynskjer å vera med. Påmelding til Anne Merete.

Helga etter går Storturneringen. Til no er ca 70 par påmeldt fordelt på dei to puljane, men det er plass til fleire. Påmelding og info her

Godt nytt bridgeår til alle!

Årets utgåve av Nyttårsturneringa blei spelt søndag 29. desember, denne gongen med rekorddeltaking. 36 par stilte til start, noko som er maks av kva som går inn så lenge turneringa blir spelt i Eldresenteret. Årets turnering måtte stenga for påmeldingar ca ei veke før speledagen, så dei som vil vera med neste år må vera tidleg ute med påmeldinga.

Turneringa denne gongen blei spanande, med vekslande par i leiing utover dagen. Men etter kvart rant det inn skikkeleg godt med poeng for Inge og Atle Kvarven, og dei tok sigeren med god margin.

Kampen om andreplassen blei steinhard. Til slutt var det Tor og Christian Bakke som tok denne, kun 2 tidels poeng framfor Oddmund Midtbø og Mathias Beyer på tredjeplass.

Os BK ynskjer alle spelarar Godt Nytt År, og vel møtt til ny turnering neste år.

Resultat 2013

Oversikt over vinnarane frå år 2000 og seinare

Årets vinnarar - gratulerer!