NyheterInnbyding Nyttårsturneringa
06.11.2013
Her er innbyding til Nyttårsturneringa, som i år blir spelt søndag 29. desember. Klikk biletet for større versjon. Jørn og Joleiv best 4. november
04.11.2013
Spelinga måndag 4. november blei vunne av Joleiv Midttveit - Jørn Rekkum med 68,4 % score. Kåre Solibakke - Frode Dyrstad blei nr to med 64,9 %, og tredjeplassen gjekk til Carl-Otto Curran - Reidar Dale med 57,1 % Fullstendig resultatliste med spelstensilar her Samanlagt når ein kveld gjennstår av klubbmeisterskapet leier Carl-Otto og Reidar med 126,7 %. Nummer to er Joleiv og Jørn med 122,6 % Middels er 100. For resten av samanlagtlista; trykk les mer Klubbmeisterskapet blir avslutta neste måndag, og måndagen deretter speler vi simultanturnering. Vel møtt!
Reidar og Carl-Otto vann første kveld klubbmeisterskapet
28.10.2013
Reidar Dale og Carl-Otto Curran vann spelinga måndag 28. oktober. 69,6 % scora dei, og leier dermed klubbmeisterskapet etter 1. kveld. Leif Juvik - Olav Monstad blei nummer to med 61,9 %, og Tor Anders og Thea Hauge blei nummer tre med 60,9 %. Resultat og spelstensilar her Klubbmeisterskapet held fram dei to neste måndagane. Ein kan delta dei to siste kveldane utan å ha spelt første. Turen til Herdla har no 12 påmeldte. Det er plass til fleire. Påmelding til Anne Merete. Påmelding til vår eiga Nyttårsturnering er og opna. Link i saka under. No er det jul igjen ...
22.10.2013
Ikkje heilt enno, men tida går fort, og Nyttårsturneringa nærmar seg. Turneringa blir i år spelt søndag 29. desember med start kl 12. Merk dag, dato og tid! Innbyding blir sendt ut seinare, men turneringa er oppretta, og dei som ynskjer kan alt no melda seg på. Link for påmelding her. Link til påmelding ligg og under fana Nyttårsturneringa øvst på sida. Anne Merete og Torhild best måndag 21. oktober
21.10.2013
Haustens andre simultanturnering blei spelt måndag 21. oktober. Ulike par veksla på å leia denne kvelden, men etter at alle spel var ferdigspelt var det Anne Merete Heggland og Torhild Rasmussen som hadde best score – ca 60 %. Tett bak fulgte Jørn Rekkum - Joleiv Midttveit med 57,8. To par delte tredjeplassen; Leif Juvik - Olav Monstad og Tor Anders og Thea Hauge. Resultat og spelstensilar lokalt på Os her Resultat på landsbasis er no klar. Her er dei, Anne Merete og Torhild best av våre med 5. plass Dei tre neste måndagane speler vi klubbmeisterskap, og måndagen deretter går haustens siste simultanturnering (men MP-treff kjem i tillegg som vanleg – første veka i desember). Hugs turen til Herdla 11. - 12. januar (OBS dette er riktige datoar). Til no er 9 påmeldt – Leif, Wenche, Elisabeth, Ole, Laila, Gerd, Linda, Torhild og Anne Merete. Påmelding til Anne Merete.
Tur til Herdla i januar!
15.10.2013
Vi gjentar fjorårets suksess med tur til Herdla. Årets tur blir helga 11. - 12. januar. Pris for ei overnatting; inkl lunsj og to-rettars middag laurdag og frokost søndag: 1035.- i dobbeltrom, 1365.- i enkeltrom. Påmeldingsfrist: 4. november. Påmelding til Anne-Merete. Eit bilete av fjorårets gjeng under.
Jørn og Joleiv best 14. oktober
14.10.2013
Spelinga måndag 14. oktober blei vunne av Jørn Rekkum - Joleiv Midttveit med vel 64 % score. Kåre Solibakke - Frode Dyrstad tok andreplassen, medan Thea og Tor Anders Hauge tok tredje. Resultat og spelstensilar her Neste måndag er det ny simultanturnering, og Linda har også lova lotteri. Dei tre måndagane deretter speler vi klubbmeisterskap. Vel møtt!
Tett bak Thea
07.10.2013
Spelinga måndag 7. oktober blei vunne med klar margin Av Thea og Tor Anders Hauge. 60 % score på dei, men kampen om andreplassen blei hard. Til slutt blei det delt andreplass mellom ikkje mindre enn tre par. Leif Juvik - Olav Monstad, Linda Rasmussen - Gerd Nøttveit og Joleiv Midttveit - Stig Gamlemshaug slutta alle på 55,2 %. Fullstendig resultatliste og spelstensilar her Vanleg speling neste måndag, før det blir ny simultanturnering måndagen etter. Vel møtt!
|