Med 76 % score var det ikkje tvil om kvar sigeren ville gå måndag 29. april. Randi Nyheim og Tor Anders Hauge haddde ein kjempekveld og resten av feltet fekk bare sloss om plassane bak. Thea og Bjørn Hauge tok andreplassen – også dei med god score – 61,5 %. Tredjeplassen gjekk til Frode Dyrstad og Dag Christensen.

Fullstendig resultatliste her

Det gjennstår tre spelekveldar før vi tek sommarferie. Vi speler som vanleg måndagane 6. 13. og 27. mai. Måndag 20. mai er 2. pinsedag og ingen speling.

Siste spelekveld blir det og som vanleg årsmøte i forkant av spelinga. Saker til årsmøtet må vera styret i hende seinast måndag 13. mai.

Ein stor gjeng frå Os Bridgeklubb hadde tatt vegen til Austevoll og Bekkjarvik Gjestgiveri laurdag 27. april for å spela «Bridge i Havgapet». Heile 36 par deltok i dette som var første utgåve av turneringa. Beste par få Os blei Randi Nyheim og Stig Gamlemshaug. Det blei 5. plass til dei. Nummer 13 blei Leif Juvik og Frode Dyrstad, medan Thea og Bjørn Hauge blei nummer 15. Vann gjorde Christian og Tor Bakke frå BAK.

Resultatliste og spelstensilar her

Pokalkampen mellom Os og BAK blei avslutta med speling på Os måndag 22. april. 23 par stilte denne gongen, og som første kveld blei det siger til Tor og Christian Bakke. Gunnar Klette - Ann Johannessen blei nummer to og Lisbeth Glærum - Kenneth Edvardsdal blei tre. Beste ospar blei Bjørn og Thea Hauge på femteplass.

Mellom klubbane vann BAK klart begge kveldane og dermed pokalkampen. Har ikkje rekna samanlagt individuell liste, men den er sjølvsagt toppa av Bakke-Bakke som vann begge kveldane.

Resultat og spelstensilar 22. april her:

Vel møtt igjen til ny pokalkamp neste år!

Første kveld av klubbkampen mellom Os og BAK blei spelt måndag 15. april. 28 par stilte til start, og beste par blei Tor og Christian Bakke med + 152, over 74 % score. Andreplassen gjekk til Anita Evertsen - Dag Inge Torgersen med + 77, eit poeng framfor Sven-Olai Høyland - Karlis Dolietis på tredjeplass. Beste ospar for kvelden blei Kåre Kristiansen - Unni Skreslett på delt fjerdeplass.

Mellom klubbane har BAK tatt ei klar leiing med + 188 poeng og Os tilsvarande minus.

Resultat og spelstensilar for første kveld her

Pokalkampen vert avslutta med returoppgjer på Os komande måndag. Også par/spelarar som ikkje har spelt første kveld kan delta der.

Vel møtt!

Då er endeleg våren her, og med den kjem Pokalkampen mot BAK. Dette er femte året vi speler, og stillinga etter fire år er 3-1 til BAK.

Førstkomande måndag; 15 april har BAK heimekamp, og vi speler på Studentsenteret. Spelinga startar som vanleg 18.30, og dei som ynskjer skyss kan møta ved Kyrkjetunet kl. 17.30, så fyller vi opp bilane der. Elles er det berre å finna fram på eigahand.

Måndagen etter; 22. april speler vi på Os.

Vel møtt til årets Pokalkamp!

Siste simultanturnering denne sesongen blei spelt måndag 8. april, og som så mange gonger før denne sesongen vann Thea og Bjørn Hauge i suveren stil. + 26 var 14 poeng meir enn Carl-Otto Curran og Reidar Dale på andreplass. Tredjeplassen lokalt gjekk til Dag Christensen og Joleiv Midttveit.

Resultat på landsbasis ligg her. Kåre Kristiansen og Unni Skreslett beste ospar denne gongen med 11. plass.

Lokale resultat her:

Nordisk junior på Hamar blei avslutta 1. påskedag med siste del av finalane. Sidan det kun var Noreg og Danmark som stilte lag i jenteklassen var det alt før turneringstart klart at desse to laga ville møtast i finalen.

Finalen blei spelt over tre sesjonar a 14 spel, totalt 42 spel. Danmark starta med 8 IMP carry-over etter grunnspelet, og vann første sesjon med 21 IMP. Noreg slo tilbake i andre og vann denne med 24, slik at stillinga før siste sesjon var 83-78 i dansk favør. Noreg måtte då vinna siste sesjon med minst 6 IMP, men dessverre blei det tap med 11. Sluttresultatet av kampen blei 108-92 til danskane.

Likevel, sølv og glimrande innsats av Thea og laget i sitt første internasjonale meisterskap!

Resultata frå finalespelet her

Thea og Bjørn Hauge vann spelinga måndag 25. mars med klar margin. Med IMP over feltet blir det gjerne "mykje vatn mellom båtane", og det blei det absolutt denne gongen. + 86 blei det på Bjørn og Thea til slutt, etter å ha vore langt over 100+ tidlegare på kvelden. Nummer to blei Reidar Dale og Jørn Rekkum med + 22, og tredjeplassen gjekk til Linda Rasmussen og Leif Juvik med middels.

Her er resultata. NB! neste måndag; 1. april er 2. påskedag og ingen speling. Måndagen deretter; 8. april blir det simultanturnering.

Vel møtt, og god påske!