Søndag 30. desember blei årets Nyttårsturnering spelt. 32 par stilte til start denne gongen, noko som må kunna kallast svært så bra.

Det blei svært så tett i toppen denne gongen, og ein korreksjon i siste runde var nok til at det blei ein endringar på toppen. Med kun 8 tidels poeng blei det David Ueland og Arild Rasmussen som vann denne gongen, med fjorårsvinnarane Jan Kristen Lutro og Trond Are Nitter på andreplass. På tredjeplass kom Tor og Christian Bakke.

Fullstendig resultatliste og spelstensilar her

Turneringa blei som vanleg avvikla med stø hand av Leif Gunnar Kleppevik.

Vi takkar for i år, og ynskjer vel møtt til ny Nyttårsturnering om eit år!

Siste spelekveld før jul blei spelt måndag 17. desember. Denne gongen blei det eit oppgjer mellom Inger Marie Johansen - Vilhelm Berge og Thea og Bjørn Hauge. Til slutt var det Inger Marie og Vilhelm som toppa lista med + 17; 3 poeng meir enn Thea og Bjørn. Tredjeplassen gjekk til Linda Rasmussen - Åse Bauge.

Resultatlista ligg her

Første spelekveld over nyttår blir måndag 7. januar. Då er det ei simultanturnering som går av stabelen. Men før det har vi sjølvsagt nyttårsturneringa søndag 30. desember. Dei som ikkje alt har meldt seg på kan gjera det her eller til Leif på telefon 938 40 376.

Vel møtt søndag 30 desember, og god jul til alle!

Det går mot jul og høgsesong for bridge. Her er linkar for påmelding til dei mest aktuelle turneringane framover.

Åsane BK - torsdag 27. desember - påmelding/info åpen klasse her

Åsane BK - torsdag 27. desember - påmelding/info maks Ruternål her

Os BK Nyttårsturnering - søndag 30. desember - påmelding/info her. Fullstendig innbyding for denne finn du ved å trykka fana Nyheter øvst på sida og bla litt nedover.

Bergen Akademiske BK - Ragn-Sells Internasjonale Storturnering - (18) 19-20 januar; påmelding/info her

Spelinga måndag 10. desember blei eit oppgjer mellom Frode Dyrstad - Tor Anders Hauge og Linda Rasmussen - Joleiv Midttveit. Til slutt var det førstnemde par som toppa lista med + 23; 7 poeng framfor Linda og Joleiv. Jørn Rekkum - Dag Christensen tok tredjeplassen.

Resultatliste her

Neste måndag (17. desember) er siste spelekveld før jul. I tillegg til speling blir det utlodning og premieutdeling.

Vel møtt!

Årets MP-treff blei spelt måndag 3. desember, denne gongen med nytt opplegg. Turneringa blir no spelt som simultanturnering, og ikkje med facit-berekning som tidlegare.

Lite folk til start denne måndagen gjer at det er vanskeleg å seia korleis resultata blir til slutt, men på den lokale lista toppar i alle fall Jørn Rekkum og Dag Christensen framfor Bjørn og Thea Hauge. Torhild Rasmussen og Åse Bauge tok tredjeplassen.

Lokale resultat her:

Endeleg resultatliste ligg  her. Beste ospar blei Dag og Jørn med ein finfin 8. plass.

Vi speler to måndagar til før jul; 10. og 17. desember.

Vel møtt!

Etter at 2 av 3 kvelar av klubbmeisterskapet var spelt såg det ut til at Reidar Dale og Joleiv Midttveit skulle ta heim klubbmeisterskapet. Men siste spelekveld av turneringa gav store endringar på samanlagtlista. Thea og Bjørn Hauge auste inn poeng, og med 73 % score på kvelden vann dei kvelden suverent og tok like godt heim klubbmeisterskapet i same slengen. Gratulerer til dei! Jørn Rekkum og Dag Christensen hadde og ein god kveld. 65,9 % score på kvelden gav 2. plass på kvelden og tredjeplass samanlagt.

Resultat tredje og siste kveld klubbmeisterskapet her

Neste måndag; 3. desember speler vi MP-treff.

Vel møtt!

Klubbmeisterskapet 2012 – samanlagt sluttresultat

Her er innbyding til årets nyttårsturnering, som i år blir spelt søndag 30. desember. Link for påmelding ligg under fana Nyttårsturneringa over eller her

Det blei ein tøff kamp om sigeren då 2. kveld av klubbmeisterskapet blei spelt måndag 19. november, men etter 24 spel var det Thea og Bjørn Hauge som hadde mest poeng. Dei stoppa på pluss 18, tre poeng meir enn Kåre Kristiansen og Unni Skreslett på andreplass. Reidar Dale og Joleiv Midttviet blei tredje beste par, og mykje skal til for å nekta dei samanlagtsigeren.

Resultat 2. kveld her

Samanlagtresultat etter to kveldar ligg under les mer. (tala er prosent-score)

Klubbmeisterskapet vert avslutta komande måndag, og måndagen deretter blir det MP-treff.

Vel møtt!