Ryktene seier at det blir bridge frå Cavendish i Monaco i Dagsrevyen denne helga. Siste meldingane seier at det blir i Laurdagsrevyen, men innslaget kan og bli utsett til søndag. Les meir om årets Cavendish her

Det blei overlegen siger til Kåre Solibakke - Leif Fagerli måndag 15. oktober. Pluss 23 var ti poeng meir enn Bjørn og Thea Hauge på andreplass. Tredjeplassen gjekk til Inger Marie Johansen og Vilhelm Berge.

Resultatlista finn du her

Årets Nyttårsturnering blir spelt i Eldresenteret søndag 30. desember. Vi starter klokka 12.00 og speler 42 spel. Innbyding til turneringa kjem seinare, men turneringa er alt oppretta, og dei som ynskjer kan alt no melda seg på her. Link for påmelding ligg og under fana Nyttårsturneringa øvst på sida. Hugs at ein må vera innlogga for å kunna melda på par til turneringar no.

Vel møtt søndag 30. desember!

Trekning for 1. og 2. runde NM klubbar er no foretatt. Os 1 (Midttveit, Dale, Gamlemshaug, Moberg, Hauge, Hauge) skal møta Samnanger 2 og Åsane 2, medan Os 2 (Juvik, Rekkum, Christensen, Kristiansen, Skreslett) møter Åsane 1 og Bergen Akademiske 4. Kampane må vera spelt innan 2. desember.

Heile trekninga her

Måndag 8. oktober spelte vi andre simultanturnering for sesongen, og som forrige simultan blei det "lokal siger" til Inger Marie Johansen og Vilhelm Berge. Margot Alfheim og Krista Tharaldsen tok andreplassen, og Frode Dyrstad - Tor Anders Hauge tredje. Men hugs at det kan bli store endringar på dette når resultata for heile landet føreligg.

Lokal resultatliste her

Dei endelege tala på landsbasis er no klare. 133 par deltok denne gongen, og best av våre blei Margot og Krista med ein finfin 8. plass. Fullstendig resultatliste  her.

Det blir ei simultanturnering til før jul. Den går måndag 5. november. I tillegg speler vi som vanleg MP-treff (facit-turnering). Den går i år måndag 3. desember.

Vel møtt

Thea og Bjørn Hauge vann spelinga måndag 1. oktober med 10 poengs forsprang til Kåre Solibakke og Leif Fagerli på andreplass. Anne Merete Heggland og Olav Monstad kneip tredje pallplass. 15 par stilte til start denne måndagen, noko som må vera det meste vi har hatt på ganske lang tid.

Fullstendig resultatliste her

Neste måndag; er det ny simultanturnering. Inger Marie Johansen og Vilhelm Berge blei nummer 4 på landsbasis forrige gong vi spelte simultan, og vi satser på siger denne gongen

Oversikt over påmeldte klubbar til simultanturneringane framover her

Vel møtt!

Årets Osmesse blei arrangert helga 22. – 23. september, og Os BK deltok for første gong.

Det tetta seg til i toppen utover kvelden, men Leif Juvik og Tor Anders Hauge held unna og vann med + 50; 6 poeng framfor Bjørn og Thea Hauge på andreplass. Margot Alfheim og Krista Tharaldsen blei nummer tre i det 13 par store feltet; det største vi har hatt så langt denne sesongen.

Resultat måndag 24. september