Spelinga måndag 13. mai blei vunne av Leif Juvik - Bjørn Hauge med + 104 (IMP over feltet) framfor Kåre Aasen - Joleiv Midttveit med + 74. Tredje gjekk til Reidar Dale - Carl-Otto Curran med + 17.

Resultat og spelstensilar

Det blir vanleg speling neste måndag. Måndagen deretter; 27. mai blir siste spelekveld med årsmøte. Saker til møtet kan sendast på epost til reidus123@gmail.com innan 25. mai.

NB! Hugs utebridge på øyro laurdag 25. mai. Håper så mange som mogleg har høe å vera med der frå klokka 11 - 14.

Bjørn Hauge og Frode Dyrstad viste seg nok ein gong best. Måndag 6. mai scora dei + 113 (IMP over feltet) og var med det langt framfor Anne Merete Heggland - Torhild Rasmussen med +27. Tredje gjekk til Tarjei Vangdal - Marit Havelin med -2.

Resultat og spelstensilar

Vi speler som vanleg dei to neste måndagane. Måndagen deretter; 27. mai blir siste spelekveld med årsmøte.

NB!. Klubben er påmeldt til «Liv på Torgfest» laurdag 25. mai. Der får lag og organisasjonar i Os og Fusa høve til å visa fram aktiviteten sin. Arrangementet går frå klokka 11 - 14. Vi håper flest mogleg kan vera med desse timane på Osøyro. Også Os juniorbridgeklubb kjem til å vera med her.

Vel møtt!

Sesongens siste simultanturnering blei spelt måndag 29. april. Bjørn Hauge - Frode Dyrstad var langt framfor resten og vann med 64,6% score. Andre gjekk til Tor Anders Hauge - Stig Gamlemshaug med 58,3 og tredje til Anne Merete Heggland - Torhild Rasmussen med 55,6%.

Resultat og spelstensilar

Link til resultat på landsbasis

Vi speler som vanleg alle måndagane i mai før vi tek sommarferie. Siste spelekveld blir måndag 27. mai då det òg blir årsmøte.

Vel møtt!

Siste spelekveld før påske blei spelt måndag 15. april, og Jørn Rekkum - Tarjei Vangdal vann overlegent med + 110 (IMP over feltet). Andre gjekk til Stig Gamlemshaug - Stein Ole Moberg med + 55 og tredje til Frode Dyrstad - Kåre Aasen med - 30.

Resultat og spelstensilar

Hugs påmelding til maibridgen på Rubbestadneset 1. mai.

Då er det pause i klubbspelinga fram til måndag 29. april. Simultan står på programmet den kvelden.

Riktig god påske til alle!

Tredje og siste kveld av klubbmeisterskapet blei spelt måndag 8. april. Bjørn Hauge - Jørgen Blix vann kvelden med 63,9% framfor Anne Merete Heggland - Torhild Rasmussen med 63,2%. Tredje gjekk til Stig Gamlemshaug - Stein Ole Moberg med 60,4%.

Resultat og spelstensilar

Klubbmeisterskapet samanlagt blei overlegent vunne av Stig og Stein Ole.

Kvelden var òg simultanturnering. Her er resultata på landsbasis

Vi speler som vanleg neste måndag, men ingen speling måndagen deretter. Hugs maibridgen på Rubbestadneset måndag 1. mai.

Andre kveld av klubbmeisterskaper blei spelt måndag 1. april, og som sist blei det siger til Stig Gamlemshaug - Stein Ole Moberg. 64,6% (scratch) blei det på dei, med Kåre Aasen - Joleiv Midttveit på andre 61,8% og Tor Anders Hauge - Frode Dyrstad på tredje med 60,4.

Resultat og spelstensilar

Samanlagtresultat i tabellen under.  Siste kveld av KM går neste måndag. Kvelden er òg simultanturnering.

Vel møtt!

Første kveld av klubbmeisterskapet blei spelt måndag 25. mars. To par skilde seg ut i toppen av lista med Stig Gamlemshaug - Stein Ole Moberg på første med 74,6% score framfor Kåre Aasen - Joleiv Midttveit med 70,6%. Tredjeplassen gjekk til Kåre Kristiansen - Jørn Rekkum med 57,1

Resultat og spelstensilar (scratch-lista tel i KM samanlagt)

Turneringa held fram dei to komande måndagane

Vel møtt!

Simultanturneringa måndag 18. mars blei overlegent vunne av Bjørn Hauge - Frode Dyrstad med heile 71,5% score. Det bør nå godt opp når tala på landsbasis er klare. Stig Gamlemshaug - Bjarne Vågen blei nummer to med 65,3% og tredje gjekk til Kåre Aasen - Joleiv Midttveit med 54,9%.

Lokale resultat med spelstensilar

Resultat på landsbasis

Neste måndag startar klubbmeisterskapet over tre kveldar.

Hugs påmelding til KM par 6. april og påskeskvis 14. april