NyheterThea og Joleiv toppa
21.04.2015
Spelinga måndag 20. april blei vunne av Thea Hauge og Joleiv Midttveit. 63,1% score blei det på dei, medan Reidar Dale - Tor Anders Hauge på andreplass stoppa på 59,5 %. Tredjeplassen gjekk til Bjørn Hauge - Jørn Rekkum med 56,0 %. Resultatliste og spelanalysar her Dei neste to måndagane blir det klubbkamp mot Bergen Akademiske BK. Førstkomande måndag; 27. april speler vi på Studentsenteret. Spelinga startar som vanleg kl 18.30. Dei som ynskjer kan møta ved Kyrkjetunet kl 17.30, så fyller vi opp bilane der. Elles er det bare å ta seg fram på eiga hand. I tillegg til vanleg klubbkamp vil vi og forsøka å få laga ei samanlagt liste individuelt, og på toppen av det heile speler vi simultanturnering. "Tre ting på en gang"" .. osv. Får sjå om det går :) Måndagen deretter; 4. mai blir det returoppgjer i Eldresenteret. Vel møtt! Havgapet og maibridgen
19.04.2015
Dei næraste vekene er det to fine turneringar på programmet. Først ut er «Bridge i Havgapet». Den blir spelt fredag 1. mai på Bekkjarvik Gjestgiveri. Info og påmelding til turneringa her. Litt seinare i mai går den tradisjonsrike «Mai-bridgen» på Rubbestadneset. Den går som vanleg Kr. Himmelfartsdag som i år er torsdag 14. mai. Turneringa nærmar seg fullteikning så det kan vera lurt å vera kjapp med påmelding. Info + påmelding her. Film om juniorbridge
15.04.2015
No i oppkøyringa til Tromsø-EM har Norsk Bridgeforbund laga nokre filmar. Den eine gjeld norsk junior-bridge og kan sjåast her. Årets junior-leir går i perioden 12. - 17. juli i Tromsø. Info om den her. Pr. no er det 26 påmeldte til leiren, tre av dei frå Os. (Sjå under "Se påmeldte") Kåre og Unni best måndag 13. april
13.04.2015
Kåre Kristiansen og Unni Skreslett kom best igang etter påskepausen. Dei vann spelinga måndag 13. april med 69,8 % score. Bjarne Vågen - Linda Rasmussen blei nummer to med 63,7 %, og tredjeplassen gjekk til Leif Juvik - Reidar Dale med 62,5 %. Resultatliste og spelanalysar her Vi speler som vanleg neste måndag, før Pokalkampen mot BAK blir spelt dei to måndagane deretter. Vel møtt! Gull til Thea i nordisk junior!
06.04.2015
Thea Hauge og det norske jentelaget vann gull i nordisk junior lag som blei spelt i Danmark 4. - 6. april. Grunnlaget for sigeren blei lagt søndag kveld då dei norske jenten vann heile 19-1 (VP) over dei danske jentene. Dette gjorde at før dei 14 siste spela som blei spelt måndag føremiddag hadde dei norske jentene 15 IMP forsprang. Dette forspranget gav jentene aldri frå seg, og auka like godt med 11 IMP til. Thea er dermed den første spelaren frå Os BK med ein internasjonal tittel. Gratulerer til heile laget! Ein av kampane til det norske jentelaget blei BBO-overført. Det var kampen mot det norske U-16 laget. Thea spelte kampen med Katarina Ekren, og kampen kan du sjå her Dobbelt BAK på topp måndag 30. mars
30.03.2015
To gjestepar frå BAK henta mest poeng måndag 30. mars. Mathias Beyer - Atle Seim vann suverent med 61,9 % score. Rolf Selbak - Dagfinn Andreassen blei nummer to med 55,6 %, og Frode Dyrstad - Dag Christensen nummer tre med 54,8 %. Fullstendig resultatliste med spelanalysar her Neste måndag er 2. påskedag og ikkje speling. Første spelekveld over påske er måndag 13. april. Vel møtt då. Hugs at Nordisk meisterskap for junior lag går i påsken og Thea speler. Turneringa startar laurdag, og det blir overføringar på BBO. Første kamp går kl 09.30. Tidsskjema her Vi ynskjer lukke til i nordisk, og til slutt; god påske til alle!
Pokalkampen mot BAK blir flytta ei veke
23.03.2015
Pga diverse ting og tang må Pokalkampen mot BAK utsetjast ei veke. Dermed blir kampen spelt slik: måndag 27. april på Studentsenteret og returoppgjer på Os måndag 4. mai. Joleiv og Jørn frå start til mål
23.03.2015
Jørn Rekkum og Joleiv Midttveit vann spelinga måndag 23. mars med god margin. Dei leia heile kvelden, og midtvegs hadde dei over 80 % score! Andre halvdel roa dei seg riktignok litt, men 65,3 % var meir enn nok til å vinna. Thea og Bjørn Hauge blei nummer to, og Dag Christensen - Bjarne Vågen nummer tre. Resultatliste med spelanalysar her Elles var det kjekt med besøk frå dei fleste som har gått kurs no i vår. Håper dei koste seg og kjem igjen. KM par, som og er kvalifisering NM par er i år eindagsturnering. Den går på Vitalitetssenteret i Bergen laurdag 18. april. Påmelding/info her Vi speler som vanleg neste måndag, men måndagen deretter er 2. påskedag og spelefri. Vel møtt!
|