Pga diverse ting og tang må Pokalkampen mot BAK utsetjast ei veke. Dermed blir kampen spelt slik: måndag 27. april på Studentsenteret og returoppgjer på Os måndag 4. mai.

Jørn Rekkum og Joleiv Midttveit vann spelinga måndag 23. mars med god margin. Dei leia heile kvelden, og midtvegs hadde dei over 80 % score! Andre halvdel roa dei seg riktignok litt, men 65,3 % var meir enn nok til å vinna. Thea og Bjørn Hauge blei nummer to, og Dag Christensen - Bjarne Vågen nummer tre.

Resultatliste med spelanalysar her

Elles var det kjekt med besøk frå dei fleste som har gått kurs no i vår. Håper dei koste seg og kjem igjen.

KM par, som og er kvalifisering NM par er i år eindagsturnering. Den går på Vitalitetssenteret i Bergen laurdag 18. april. Påmelding/info her

Vi speler som vanleg neste måndag, men måndagen deretter er 2. påskedag og spelefri.

Vel møtt!

Overskrifta kunne vore namnet på eit advokatfirma, men gjeld resultata frå simultanturneringa vi spelte måndag 16. mars. Før siste runde leia Tor Anders Hauge - Reidar Dale med eit poeng på Thea og Bjørn Hauge. Dei to para møttes i siste runde, og det var klart at paret som stakk av med plussen på sisterunden ville vinna kvelden. Men når det blei uavgjort 0-0, blei det som det var, Tor Anders og Reidar vann kvelden med eit poeng meir enn Thea og Bjørn. Delt tredjeplass denne gongen mellom Elisabeth Over - Wenche Nyborg og Anne Merete Heggland - Torhild Rasmussen.

Lokal resultatliste frå simultanturneringa her

Resultat på landsbasis kjem i løpet av veka og blir oppdatert her etter kvart som dei blir registrert.

Vi speler to måndagar til før det blir påskepause 6. april.

Vel møtt!

Dag, dato og stad for jubileumsfeiringa er no klar. Festen blir på Bjørnefjorden Gjestetun laurdag 24. oktober for alle medlemmer med følge. Det blir 3-retters middag, og om vi får det til blir det og bridgeturnering same stad på dagtid. Meir info kjem.

Styret

Overskrifta er ikkje karakterar på skihopp, men plusspoenga på dei tre beste para måndag 9. mars. Reidar Dale - Tor Anders Hauge kneip sigeren, med Kåre Kristiansen - Leif Juvik på andreplass og Thea og Bjørn Hauge på tredje.

Resultatliste med spelanalysar her

Neste måndag er det ny simultanturnering. Dette er sjette simultanturnering vi speler denne sesongen, så dei som har deltatt på alle kan no byrja å stryka resultat på "Veien til Tromsø". Bjørn Hauge ligg pr. no best an av våre med 38. plass.

Her er samanlagtlista for "Veien til Tromsø"

Vel møtt neste måndag!

Det var kun strøpoeng på deling til resten etter at Thea og Bjørn Hauge hadde forsynt seg av poenghaugen måndag 2. mars. 70,1 % score blei det på dei til slutt, medan Elisabeth Over - Wenche Nyborg på andreplass stoppa på 54,2 %. Kåre Kristiansen - Unni Skreslett blei nummer tre med 53,5 %.

Resultatliste med spelanalysar her

Vi spelet som vanleg neste måndag før det måndag 16. mars er ny simultanturnering.

Vel møtt!

Spelinga måndag 23. februar blei vunne av Thea Huage og Stig Gamlemshaug. Vi spelte IMP over feltet, og dei enda på +152, nesten 100 poeng meir enn Bjørn og Tor Anders Hauge på andreplass. Jørn Rekkum - Joleiv Midttveit blei nummer tre med + 23.

Fullstendig resultatliste og spelanalysar

Vi speler kvar måndag framover unntatt måndag 6. april som er 2. påskedag og spelefri.

Vel møtt!

Under spelekvelden måndag 16. februar hadde vi besøk av nettstaden Midtsiden, og Kari M. Lyssand laga ein kjempefin reportasje. Her kan du lesa saken ho laga.